Azərbaycan Respublikası Mədəniyyət Nazirliyi

Ağdaş Regional Mədəniyyət İdarəsi

Xəbərlər
Xəbərlər

Zərdab rayon Heydər Əliyev Mərkəzinin əməkdaşları Vətən Müharibəsinin Şəhidi Ağaqardaş Abbasovun yadigarı körpə İlknur balanı ziyarət ediblər

02.06.2021

1 iyun Uşaqların Beynəlxalq Müdafiəsi Günüdür. Ölkəmizdə uşaqların sağlam, Vətənə layiqli övladlar kimi böyümələri üçün hər cür şərait yaradılmışdır. Habelə, dövlət tərəfindən uşaqlara hər zaman yüksək diqqət və qayğı göstərilir, onların düzgün tərbiyə olunmalarına, təhsil almalarına ciddi nəzarət edilir. Ümummilli Lider Heydər Əliyevin dediyi kimi “Uşaqlar bizim gələcəyimizdir, gələcəyimizi nə cür tərbiyə edəcəyiksə, ölkəmizin, millətimizin, dövlətimizin sabahı bundan asılı olacaqdır."

01 İyun Uşaqların Beynəlxalq Müdafiəsi günü ilə bağlı Zərdab rayon Heydər Əliyev Mərkəzinin əməkdaşları Vətən Müharibəsinin Şəhidi Ağaqardaş Abbasovun yadigarı körpə İlknur balanı ziyarət ediblər.

Vətən müharibəsində şanlı qələbəmizdə imzası olan şəhid Ağaqardaş Abbasovun evində illərdir dünyaya gəlişini gözlədikləri İlknur bala böyüyür. İlknur bala Şəhid atasının adını şərəf və qürurla daşıyacaq.

Ziyarət zamanı Zərdab rayon Heydər Əliyev Mərkəzinin direktoru Könül Rəhimova Azərbaycanın ərazi bütövlüyü uğrunda döyüşlərdə əlil olmuş vətəndaşların və şəhid ailələrinin sosial müdafiəsinin ölkəmizdə yüksək səviyyədə olduğunu qeyd edib. Ali Baş Komandan İlham Əliyevin və Birinci vitse-prezident Mehriban xanım Əliyevanın müvafiq göstərişlərinə əsasən dövlət qurumları bu kateqoriyadan olan insanların problemləri ilə yaxından maraqlanır, onların problemlərinin aradan qaldırılması üçün mütəmadi olaraq tədbirlər həyata keçirilir. Bu isə cəmiyyətdə birliyin və qarşılıqlı etimadın yeni təzahür forması kimi bütün təbəqələrdən olan insanlar tərəfindən xoş ovqatla, ruh yüksəkliyi ilə qarşılanır, vətəndaşların möhtərəm Prezidentimiz İlham Əliyevə olan inam və etimadını daha da gücləndirir”-deyə Könül xanım qeyd edib.

 

81.8 KB

 

74.4 KB

 

84.2 KB